Ashiyan jal gaya gulsitan lut gaya ham qafas se nikal kar kidhar jayenge
Itane manus sayyad se ho gaye ab rihai milegi to mar jayenge
Aur kuch din ye dastur e maikhana hai tashnakami ke ye din guzar jayenge
Mere saqi ko nazaren uthane to do jitane Khali hain sab jam bhar jayenge
Ai nasim e sahar tujh ko un ki qasam un se jakar na kahana mera hal e Gam
Apane mitane ka Gam to nahi hai magar Dar ye hai un ke gesu bikhar jayenge
Ashk e Gam leke akhir kahan jayen ham ansuon ki yahan koi qimat nahi
Ap hi apana daman bara dijiye warana moti zamin par bikhar jayenge
Kale kale wo gesu shikan dar shikan wo tabassum ka alam chaman dar chaman
Khench li un ki taswir dil ne mere ab wo daman bacha kar kidhar jayenge
No comments:
Post a Comment