hazaaron Khwaahishen aisii ki har Khwaaish pe dam nikle
bahut nikle mere armaaN lekin phir bhii kam nikle
nikalanaa Khuld se aadam kaa sunte aaye hain lekin
bahut be-aabaruu hokar tere kuuche se ham nikale
muhabbat me nahin hai farq jiine aur marne kaa
usii ko dekh kar jiite hain jis kaafir pe dam nikle
Khuda ke vaste parda na Kabe se utha jalim,
kahin aisa na ho yaha bhi wohi Kafir sanam nikle
Kahan Maykhane ka darwaza "Ghalib" aur kaha Waiz
Par itna jante hain, kal woh jata tha ki hum nikle
No comments:
Post a Comment